歌詞選 (版權屬填詞人)

【《終極恩情》】

   曲寄： 紅豆曲        填詞：何柏岐

何柏岐、林佩珍合唱

(女)              青春急流逝，人生老病危， 千秋古萬世，定理誰能廢？

(女白)       人人都有一死， 死咗之後究竟何去何從呢？

(男)           人類心存惡，豈能往天梯，受苦皆因罪，陰極永悲淒，

(男白)      世人都犯咗罪，罪嘅刑罸，就係落地獄受永刑！

(女)          主恩情懷繫，拯救世上危， 降生人世間，捨命釘身替，

(女白)       主耶穌甘願降生為人，就係嚟要拯救罪人！

(男)          一生多行善，內心有疑謎，因果怎代替，沒法能量計，

(男白)      行善積德，將功補過，都只不過係人一廂情願啫！

(女)          無用心煩翳，主明你心底，願君將心贈，生命見光輝，

(女白)      唯有認罪悔改，相信耶穌，就能夠得到永恒嘅生命。

(合)          歡欣情無偽，釋眾罪懸謎， 永生呈献君，拜謝主恩惠。

　

【《客西馬尼情》】

       曲寄：鳳閣恩仇未了情     填詞：何柏岐 

       何柏岐、楊麗霞合唱

     (男白) 夜冷寒風今聚散！ 空餘主今無伴，泣孤單！

     (男)  孤寂深宵冷，雲蓋月明星輝暗淡， 嘆愁煩！舉步艱，

            有誰相伴客西馬尼行？ 嗟嘆門生偷懶散。

     (女)  泣涕淚，別愁煩，同甘同苦三載別，

           唯盼情緣能續挽呀！今宵離惜別，

           他日定重返，心語寄門徒，

           警醒猶未晚，甘願擔，千愁担，甘被賣，

           釘身捨命成仁，蒼生得脫難。

     (男)  情如海，義如山，父差子，愛顯人間，

           聖靈育孕，寄居於世間。

     (女)  情無限，愛無限，盡嘗人間苦摧殘，

          百般受辱，一力主肩擔， 用愛傳揚踏千山。

      (男)  柔腸寸斷情懷訴，低聲輕輕盼，

           求天父施恩，苦杯免可挽！ 珠汗如血滴滿衫。

     (女)  願父心思諒 鍳 ，成就主旨意間，

           為蒼生捨命還，血償除罪挽！除罪挽！

     (男)  分離於今晚，唯盼門徒堅守苦與難，

     (女)  棄塵凡！

     (男)  與罪斬！

      (合)  愛憐相伴挽手天路行，主愛傳於世間，耶穌必再返。